Rebels my
اهلا ومرحبا بكم فى المنتدى Arab academy ونتمنى لكم وقت ممتع مع (اداره المنتدى )
هذا الشريط مخصص لتنبيه الاعضاء الى اى (معارك او حروب ) سوف تتم مع اى تحالف او للقرارات الهامه

    سندريلا مهيسة

    شاطر
    avatar
    Nour

    عدد المساهمات : 501
    تاريخ التسجيل : 24/01/2010

    default سندريلا مهيسة

    مُساهمة من طرف Nour في الأربعاء فبراير 24, 2010 11:18 am

    مرات الاب : بت يا سندريلا اصحى يا بت كتك خبطة فى نفوخك

    سندريلا : اييييه يا مرات ابويا خمسه وحقوم

    مرات الاب: قومى يا بت قامت قيامتـك


    وصحيت سندريلا وهى بتأفأف


    مرات الاب : يـاله قومى اكنسـى وامسحى على ما اجى


    سندريلا : وانتو رايحين فين ومتزوقين كده وكل واحده عامله نيو لوك


    مرات الاب : رايحين حفله الامييير اللى حيختار واحده عشان يتجوزهـا


    سندريلا : خدونى معاكو انا عاوزه اروح بليز


    مرات الاب : بليز ايه يا معفنة وتروحى فين يا موكوسـه بلبسك المهرول ده انا عايزه ارجع الاقى البيت بيبرق


    ومشيت مرات الاب وبناتها التلاته وقعدت سندريلا تعيـط وفجــأه طلعتلها الســاحره من البوتجاز lol!


    الساحره : مالك يا سندريلا ؟؟؟


    سندريلا : كان نفسى اروح معـاهم الحفله بس لبسى مقطع و موبايلى كارت ولابسه شبشب بصباع


    الساحره: ولا يهمك وطلعت من جيبها الموبايل وطلبت الاتليه بتاع مدام لولو يبعتو فستان وجزمه اخر موديـل فرحت سندريلا ولبست وحطط الايشادو و الجليتور ورشت البرفان

    بس الساحره قالتلها قدامك للساعه 12 لازم ترجعى انا صعيديه ودمى حامى ومعنديش بنات تتأخر و لو اتأخرتى حترجعى زى ما كنتى بلبسك المقطع وسط الناس

    سندريلا : حاضر حاضر اما ساحره زبالة صحيح , خرجت سندريلا من البيت لقت الساحره مجهزة عربية bmw lol!


    ركبت سندريلا وراحت ع القصـر ولفت جمــالها كل اللى موجودين و اول ما عين
    الامير وقعت عليها راح وطلب يرقص معاها و وافقت


    ترررررررررن ترررررررررررن


    سندريلا : ده الساحره بتدينى ميسد .. يا خبر الساعه 12

    وقامت طالعه تجرى قوم ايه وهى بتجرى فرده الجزمه اتخلعت خدها الامير المعجب و نده للوزير

    الامير : يا وزير لؤى

    الوزير : امرك مولاى

    الامير : خد الجزمه دى اسحبلى صورتها اسكانر و نزل صورتها فى كل الجرايد
    و ع الويب سايت بتاع قريتنـا واكتب الى صاحبه هذه الجزمه التوجه للقصـر
    الملكــى

    بنات كتير جدا راحو و يا سبحان الله الجزمه مجتش على مقاس حد فيهم (ال يعنى سندريلا رجليها رجل معزه ) lol!

    الى ان شاهدت سندريلا الاعلان عن فرده الجزمه على ميلودى هيتس Twisted Evil وقامت بالتوجهه الى القصر وتزوجت هى والامير وعاشوا فى تبات ونبات


    هههههههههههههههههههه lol! lol!

      الوقت/التاريخ الآن هو الجمعة أكتوبر 20, 2017 12:52 am