Rebels my
اهلا ومرحبا بكم فى المنتدى Arab academy ونتمنى لكم وقت ممتع مع (اداره المنتدى )
هذا الشريط مخصص لتنبيه الاعضاء الى اى (معارك او حروب ) سوف تتم مع اى تحالف او للقرارات الهامه

    نكت اكتر من شعر راسك ههههههههههههه

    شاطر
    avatar
    Nour

    عدد المساهمات : 501
    تاريخ التسجيل : 24/01/2010

    default نكت اكتر من شعر راسك ههههههههههههه

    مُساهمة من طرف Nour في الثلاثاء يناير 26, 2010 12:04 pm

    ***شويه نكت كوووووووووووووووووووووووووووول

    *مره كان في اتنين مساطيل قاعدين بيحششوا فا واحد بيقول للتاني انا شايفك اتنين فالتاني بيقولوا لا انا الي شايفك تلاته فقالوا الاول لا انا الي شايفك اتنين المهم قالوا خلاص احنا نروح لشيح المساطيل فقال خلاص نروح لشيخ المساطيل فراحوا وعرضوا عليه المشكله. فقالهم خلاص اصحاب المشكله يقعدوا على جنب والباقي ده كولوا يروح

    *واحد بلدياتنا اشتري راديو حط فيه حجرين المذيع اتسطل

    *عشرة صعايدة بيتعلموا ربط الكرافتات تسعة ماتوا وواحد فى حالة حرجة

    *مره واحد بلدياتنا دخل خلاط الأسمنت طلع منه قال والله منش داخل الملاهي تاني

    *مرة واحد بلدياتنا الباب افل على صباعه الباب ازرق

    *واحد رخم جداً دخل السينمــا مالقاش فيهــا غير واحد بس قعد وراه ..وقال له لو سمحت راسك علشان مش شايف

    *مسطول لابس جزمة ، فردة بيضة والتانية سوده .... قابله مسطول تاني وقاله: "ايه ياواد الجزمه الشيك دي. راح المسطول الاولاني حط رجل علي رجل وقاله: وشرفك إنت.. عندي جوز جزم تاني فى البيت شبهه بالظبت

    *مرة واحد سكران بيوقف تاكسي فسأله: فاضي ياسطة فقال له الأسطة: ايوة فاضي فقال له السكران طيب ماتيجي تقعد معايا شوية

    *فار محشش قال : كل القطط تحت جزمتى لقى وراه قط اسود قال الا ابو سمره حبيبى

    *واحد مسطول كل ما يجي يشنقوه ، الحبل ينقطع نظر للسجان وهو متغاظ وقال له احنا جايين ننشنق ولا جايين نلعب

    *مره واحد بيحشش بيقول لصحبه امبارح جيت اسحب نفس قالوا ليا لقد نفذ رصيدك

    *مره واحد مسطول اوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى

    *واحد أحول راح يجيب أبوه من المطار باس الشنطة وشال أبوه

    *مرة 10 اغبياء بيلعبوا على الطريق الصحراوى واللي تخبطه العربية مرتين يطلع برة اللعبة

    *سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك

    *اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى

    *محشش يسأل محشش تتوقع الجمعة يوافق آخر الشهر ؟ رد عليه : لو ضغطنا عليه يمكن يوافق

    *واحد بيقول لصاحبه ... الحق الثعبان دخل غرفة حماتك ... قاله: سيبه يستاهل

    * بلدينا ماسك قنبله وعمال يحدفها من الإيد دى للايد دى ، قابله واحد تانى قال له :يخرب بيتك ولما تنفجر فى وشك ، قاله : ماتخافش معايه غيرها

    *مره واحد مسطول ماشي مع حبيبته في نص الليل فاشفت ابوها فقالت يالهوي بابا بابا فقالها ماتخافيش قوليلوان انا اخوكي

    *محشش نائم جت امه تصحيه على الصبح قالتله قوم يا بنى الشمس طلعت قال دخليها وقفلي الباب

    *أبو العربى قابل الوله أينو وقاله مش تباركلى أناهجوز البت سعاد قاله ياراجل ديه متنفعكش قاله ليه قاله ديه بورسعيد كلهامشيت معاها قاله يا راجل هى يعنى بورسعيد كلها أد أيه!!!!

    *مرة واحد اتخانق مع ابوة فسبلة البيت ومشى ابوة قالة رايح فين مردش علية وقام
    موقف تاكسى وركب السواق قالة على فين قالة اذا كان مقلتش لابويا هقلك انت

    *مره واحد مسطول ماشى فى الشارع لقى مزيعه بتقوله لو سمحت فين القمر قالها اهوه
    قالتلو مبروك كسبت عشرين جنيه قالها فى واحد تانى هناك اهوه

    *واحدة ست راحت للدكتور قالته يادكتور إبنى مبياكلش كويس قالها طيب بيفطر إيه
    قالتله ياعين أمه ياعين أمه بيفطر20بيضة بس قالهاطيب بيتغدى إيه قالتله ياعين
    أمه ياعين أمه30فرخة بس قالها طيب بيتعشيه إيه قالتله ياعين أمه ياعين أمه ورك
    خروف بس رد عليها وقالها ياعين أمه ياعين أمه كمان شوية ياكل الدكتور وأمه

    *مرة واحد غبى مش عايز يروح المدرسة ابوه قاله ليه مش عايز تروح المدرسة اصل يا
    بابا المدرس بيقولى انا غبى ومبفهمش قالوا طيب انا هروح معاك المدرسة وهشوف
    المدرس المهم ان ابو الواد راح المدرسة قال للمدرس انت ليه بتقول على ابنى غبى
    ومبيفهمش المدرس قال انا هثبتلك ان ابنك غبى راح المدرس قال للواد روح شوفنى فى
    الفصل اللى جنبنا وتعالى راح الواد وجيه قال مش موجود فى الفصل قال ملقتهوش فى الفصل ده شوفه فى الفصل اللى بعديه يا ولد.

    *بلدياتنا سافر امريكا واصحابه نصحوه ياخد معاه 3 زلع مش علشان الاكل الامريكانى
    مش حلال بس نبهوه يسمى قبل ما ياكل احسن الشيطان ياكل معاه.اول شهر اكل اول
    زلعة بس نسى يسمى، تانى شهر برضه نسى يسمى، ثالث شهر طلع له الشيطان قال
    له:"ابوس ايدك سمى، صدرى اتحرق!"

    *مرة واحد سعودي لقى مصباح علاء الدين دعكه طلعله الجني قاله شبيك لبيك تطلب
    ايه: قاله: طلعلي كل المصريين من السعوديه فالجني قاله: ليه بس يا عم احنا
    عملنالك حاجه

    *واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص
    القرود ياكلهم
    ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه
    بعد تلات أيام
    ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت
    مت ؟ قام الكتكوت وقال له : يخرب بيتك بوظت الكمين

    * مره واحده بتقول لجوزها "تصدق إن أنا كل يوم بحلم بيوم جوازنا" قالها "هى لسه
    الكوابيس دى بتجيلك

    * قال لها : يمكن مكنش غني .. ولا عندي عربية ولا فيلا ولا مزرعة ولا شركه ولا
    فلوس زي محسن صاحبي ولكني أعشقك واحبك .. فضمته ودمعت عيناها وقالت : إن كنت
    بتحبني بجد .....عرفني على محســـــن

    *واحد صعيدى واقف قدامه خمس شياطين .... واحد يوسوسله و اربعه يفهموه

    *سألو واحد بخيل طحن: تعمل ايه لو الدنيا برد؟ قال: أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله

    *مره خمسه صعيده راكبين عربيه فجأه سمعوا صوت فرقه جامد أوى فجه واحد منهم قال
    لأول واحد أنزل شوف فيه إيه المهم نزل غاب ساعه ساعتين فقال للثانى أنزل شوف فى إيه نزل غاب ساعه ساعتين وبعدين نزل الثالث ساعه ساعتين سزل الرابع غاب ساعه ساعتين المهم نزل آخر واحد نزل لقاهم كلم متكومين فوق بعض نزل سألهم قال لهم فى إيه قالوله شششششش العجله نايمه

    *مرة اتنين مساطيل اعدين قدام الهرم واحد بيقول للتاني انت شايف الهرم ده قاله
    اه .. قاله أمي اللى بنته قام رد التاني قاله انت تسمع عن البحر الميت قاله اه... قاله إخواتي اللى قتلوه

    *قصة ابو سريع -----

    كان في سلحفتين صغيرين كانوا بيحبوا بعض كبروا

    واتجوزوا وخلفوا سلحوف

    صغير سموه ابوسريع ,اقترحت ام ابوسريع علي

    ابو ابوسريع انهم يروحوا يفسحوا

    الواد في البحر الاحمر جهزوا لوازم الرحلة

    واستغرقت الرحلة 15سنة ذهاب..

    وصلوا علي البحر وفرشوا علشان يأكلوا وفجأة

    صرخت ام ابوسريع "تصدق يابو ابوسريع

    نسينا اهم حاجة نسينا الملاحة عشان الاكل

    .اخطف رجلك وروح البلد هاتها ..
    "صرخ ابو ابوسريع وقال لسه هاروح 15سنة

    رايح و15 سنة جاي يكون الاكل

    برد الأحسن نبعت الواد ابوسريع خفيف ولسه

    صغير.."ونادوا ابوسريع وقالولهه

    وبعتوه يجيب الملاحة ومرت السنين...حوالى40 سنة

    وابوسريع مجاش، السلاحف بدأت

    تقلق فقالت ام ابوسريع احسن ناكل بدل ماالاكل

    يبرد ولمايجي ابوسريع نعمله اكل

    ثاني "فجاة خرج ابوسريع من ورا شجرة وقال

    يعني لو كنت رحت كنتم كلتم من غيري!!!؟؟؟

    *كان فى مره حفرة موجوده على
    حدود قرية كل سكنها اغبيه وكل ماحد يعدى كان يقع فيها ويدوخوا عقبال ماتيجى الإسعاف فواحد اقترح أنهم يبنوا مستشفى جنب الحفره قام واحد سمعه وقاله ياغبى احنا نردم الحفره ونرجع نحفرها جنب المستشفى

    *مرة اصحاب مسجد جابوا شيخ جديد فالشيخ بيسئلهم
    انتوا مشيتوا الشيخ اللى قبلى ليه قالوا له عشان بيتاخر فى الصلاة ففي يوم الجمعة اول حاجة قالها الشيخ الجديد يا عباد الله اقيموا الصلاة فبعد الصلاة قالوا للشيخ انتا خلصت بسرعة ليه الصلاة قال لهم انتوا لسه شوفتوا حاجة ده الجمعة الجاية اجازة

    *اتنين مساطيل ركبوا اتوبيس بدورين اللي فوق سأل اللي تحت انتوا ماشيين بسرعة كام؟ قاله 80 و انتوا؟ قاله لا إحنا السواق لسة ماجاش.

    *مرة 3 تلاميذ اتأخروا عن الحصة الاولى ، و لما وصلوا المدرسة قالتلهم انتوا كنتو فين؟ الأول قال أنا ضاع منى الخاتم بتاعى، الثانى قال وأنا كنت بدور معاه، فسألت الثالث وأنت كنت فين؟ قلها كنت دايس عليه!!


    *واحدة ضاع ابنها الناس قالولها ماتخفيش الحلال مابيضعش قالت يالهوى ضاع الولد

    ****************************************************
    ____________________________________________________
    **اغانى بيسسسسسسسسسسسسسسسسسسسسسسسس مليانه تهيسسسسسسسسس
    كل يوم بروح البيت تعبان
    بحس ان انا نعسان
    ولما بخش السرير وانام
    باشوف احلام .. اوهام
    اى كلام فى الاحلام
    [محمود:]
    انا فاكر فى يوم صحيت من النوم
    طلعت اجرى على التليفون
    كلمت ميدو مش موجود
    كلمت محمد لقيته مخمود
    رحت داخل اعمل فطار اديتها فول بالزيت الحار
    خلى بقى مشعلل نار
    رحت شارب كاس فوار
    ودخلت لامى اعمل حوار
    عايز الكار اروح المطار
    فى واحد صاحبى طيار
    جاى من كفر الدوار
    قالتلى مش ناقصة هزار
    ده انت لسه خابط حمار
    وحظك ما طلعش صعيدى..واهله ما اخدوش بالتار
    قولتلها ماشى ورحت ماشى ..وقعدت ادعى على المواشى
    وفى الجرنال لقيت خبر ..جنون البقر مازال متفاشى
    متلاشى شعب فلسطين .. ومنتخبنا خسر من مين
    وفى الاخر حظى يقولى .. كله تمام لا كله سليم
    كل ليلة لما انام
    فى الاحلام بشوف اوهام
    ومش عارف دى حقيقة ولا ده اى كلام X2
    محمد:
    قاعد فى اوضتى بحضر جن
    فجأة سمعت جرس بيرن
    مين دلوقتى ده جاى يزن
    ده اكيد مايكى رايح الجيم
    الحديد مش قادر اشيله
    ومايكى بيشيل مبت كليو
    قلت لامى قومى افتحيله هاخلص اللى فى ايدى واجيله
    ههه ايه ده ايه ده ..ده عفريت بجد ده ولا ايه .. لا لا لا ..عفرييييييييييييييييت
    قرصت نفسى دعكت عينيا
    عفريت طلعلى بقى بين ايديا
    قعدت افكر شوية هى تبقى ايه اول امنية
    اول حاجة جت على بالى
    فلسطين فى الوضع الحالى
    اسرائيل خليتها تلالى ..قلت للعفريت شيلهالى
    لا عاز فلوس ولا عاوز قصر
    اصل ديونا مالهاش حصر
    قولت للعفريت سددها بس ابقى هاتلى بيهم وصل
    وشوف بقى ايه اخر امنيه
    دى اكيد حاجة هتبقى ليا
    خلصت فترة الصلاحية
    والنبى هاتلى كارت بمية
    كل ليلة لما انام
    فى الاحلام بشوف اوهام
    ومش عارف دى حقيقة ولا ده اى كلام X2
    ميدو:
    قاعد فى البلكونة بتشمس
    باكل جبنة وفول مدمس
    بشرب شاى بايدى الشمال .. وبالايد التانية بغمس
    بصيت من البلكونة لقيت عيالة واقفة تحت البيت
    ماسكين واحد جانب الحيط ..منظره خلانى اتربيت
    ولما واحد طلع مطوة خلانى بقيت قلقان
    قولت لازم اخد خطوة ..لازم اكلم سوبر مان
    طلعت اجرى على الصالون ..رفعت سماعة التليفون
    فجأة سمعت التلفزيون .. ده مذيع كورة بيقول جون
    ودى واحدة من المسابقات .. وانا عن نفسى ماليش فى الكورة
    بقعد ادفع مكالمات وامى تزعق على الفاتورة
    كل ليلة لما انام
    فى الاحلام بشوف اوهام

    ____________________________________________________
    محمد :
    اسمع منى نصيحة قبل ما تعمل اى فضيحة
    فى مدينة اسكندرية بتحصل حاجات غريبة وفى الواقف اللى زى ديا لازم
    نحسبها صح
    محمود احكيلنا حكايتك


    محمود :
    صباح الخير يوم جميل اقعد فى البيت لأ دا مستحيل
    كلمت تاكى اشوف ايى الدييل
    لقيتة نايم نوم الفيل
    نزلت امشى فى شارع النزهة شفت حتة بنت تحفة جيت اكلمها ومن خوفها
    راحت مصوتة ومنادية جوزها
    اتاريها من نفس الحتة وجوزها دا كان راجل جتة
    راح ماسكنى هوا و 6 ضربونى وطبقوا الجاكتة
    وواحد اسموا حموا اليابانى قالى : متجيش هنا تانى
    رحت واخد ديلى فى سنانى و نزلت الم صحابى وجيرانى
    والموضوع كدا مش حايعدى وانا لسة حروح اخد حقى
    ومن هدودمهم حاعض انقى اى حاجة تيجى على قدى

    لما تبقا فى حالة غريبة او فى حياتك حاجة كئيبة قبل ما تعمل اى مصيبة
    احسبها صح
    لما تبقا عال الحديدة مبتعملش حاجة مفيدة فكر تعمل حاجة جديدة واحسبها
    صح


    ميدو :
    مساء الخير ليلة فل
    صووت الشارع بيندهلى اقعد فى البيت دا يبقا ذل بس حاعمل اية مع اهلى
    عايز اطبق العربية بس اخويا حيسيحلى
    امى عايزة التمثيلية وابويا عايز متش الاهلى
    اعمل اية نفسى ارتاح
    انا خلاص جبت اخرى
    بالعافيا خت المفتاح فتحت الباب ونزلت اجرى
    رحت مدور جبت الاول
    جت سليمة وطلعت بخير
    بس مكنتش خالص اتصور انى ماشى عكس السير
    فجأة لقيت عربية جاية جاية وبتضرب رعاش
    مش ححكيلكم عال بقية علشان قاعد فى الانعاش


    لما تبقا فى حالة غريبة او فى حياتك حاجة كئيبة قبل ما تعمل اى مصيبة
    احسبها صح
    لما تبقا عال الحديدة مبتعملش حاجة مفيدة فكر تعمل حاجة جديدة واحسبها
    صح



    محمد :
    33 يوم منحوس دقنى طويلة معنديش موس
    عندى ميعاد مع 4 بنات بس المصيبة معيش فلوس
    لازم احل المشكلة العملية مقفلة
    ومحدش حيسلفنى علشان ديونى المتلتلة
    افتكرت بتاع البيكيا بيشترى منى اى حاجة
    وفى ثانية واحدة جتنى فكرة انا ممكن ابيعلة التلاجة
    اديتة رنة راح مكلمنى وعرضت علية الموضوع
    اتفقنا يأجر منى ويرجعها بعد اسبوع
    خدت الفلوس رحت بيها كذا حتا وصرفتها كلها فى هبالة
    صحيت تانى يوم معيش ولا نكلة ( اية الحل )
    الغسالة
    صح كدا . صح كدا

    لما تبقا فى حالة غريبة او فى حياتك حاجة كئيبة قبل ما تعمل اى مصيبة
    احسبها صح
    لما تبقا عال الحديدة مبتعملش حاجة مفيدة فكر تعمل حاجة جديدة واحسبها

      الوقت/التاريخ الآن هو الإثنين ديسمبر 11, 2017 4:07 pm