Rebels my
اهلا ومرحبا بكم فى المنتدى Arab academy ونتمنى لكم وقت ممتع مع (اداره المنتدى )
هذا الشريط مخصص لتنبيه الاعضاء الى اى (معارك او حروب ) سوف تتم مع اى تحالف او للقرارات الهامه

    حوار بين قيس وليلى

    شاطر
    avatar
    Nour

    عدد المساهمات : 501
    تاريخ التسجيل : 24/01/2010

    default حوار بين قيس وليلى

    مُساهمة من طرف Nour في الثلاثاء فبراير 09, 2010 5:58 pm

    المكان:- فى خيمة

    المنظر:- ليلى جالسة على الأرض وتنقى الأرز

    (يدخل قيس)



    ليلى:- (لقيس) قيس إبن عمى عندنا...يا مرحبا يا مرحبا

    قيس:- كم جئت ليلى بأسباب ملفقة...ما كان أكثر أسبابى وعلاتى

    ليلى:- (لقيس) ما تتكلم عربى يا مان

    قيس:- حلاوتك بالعجوه...أبوكى فين يابت؟

    ليلى:- ف السيبر

    قيس:- يعنى أحنا هنا لوحدنا؟

    ليلى:- والشيطان صايع

    قيس:- أنا لا أفكر فى هذه الأمور...

    ليلى:- ليه ياروح أمك....ما اشبهش البنات اللى انت ماشى معاهم

    قيس:- مش العباره بس.....

    ليلى:- (تقاطعه)وحياه أبويه يا قيس لو ما انعدلت معايا لأكون موّلعه ف خيمتك بصفيحة بنزين

    قيس:- إهدئى يا ليلى( ويخرج من جيبه سيجارة كبيرة الحجم ويعطيها لليلي) مسائه نابت...إعمليلك سحابه دخان

    ليلى:- (فى دهشة) أنت بتحشش يا قيس؟!!

    قيس:- إضربى يا شيخه إضربى

    ليلى:- ( تأخذ نفساً عميقاً من السيجاره) إيه البقسماط ده...دا مضروب يا حبة عينى

    قيس:- بقسماط!!! إيش فهّمك إنتى فى الكيف....إنتى اَخرك تكركرى بالجوزه من غير معسل

    ليلى:- (فى تحدى) طب إستنى ( وتتجه نحو الداخل)

    قيس:- ( لليلى) رايحه فين؟

    ليلى:- هجيبلك تربة حشيش

    الأب:- (يدخل الخيمة ويفاجأ بوجود قيس)

    قيس!!...هنا مع ليلى...وامصيبتاه...فلتمطرى
    صابون سايل أيتها السماء....إنت بتعمل إيه هنا يله؟ !!!!!!!!!!!

    قيس:- أنا كنت جايلك يا عمى عشان تيجى تصلح لنا السيفون....ده انت شغلك زباله..الواحد بعد كده يبقى يجيب سباك نضيف

    الأب:- (فى إنفعال) أين ليلى...ليلى...ليلى

    ليلى:- (تدخل وفى يدها تربة حشيش) أبى ...ماالذى أتى بك مبكراً...إنت مش قولت هتقد ساعتين؟

    الأب؟- النت فصل...إيه اللى ف إيدك ده؟!!

    ليلى:- دى تربة حشيش هديها لقيس تموين الشهر

    الأب:- (فى ذهول) ياللعار!!...من أين أتيتى بها أيتها الفاجره؟

    ليلى:- ماتخافشي يابا دا من التموين بتاعى....الحشيش بتاعك لسه بلفتٌه

    الأب:- ( فى راحة نفسية) أة ..إذا كان كده معلش

    ليلى:- ( تعطى الحشيش لقيس) خد يا قيس جرب الصنف دا واحكيلى

    قيس:- (يأخد الحشيش)ليلى...بعدد الجوانات التى بضربها..وبعدد الأحجار التى قمت برصها وبعدد الأنفاس التى قمت بتسليكها...أشكرك بضمير

    الأب:- (لقيس) بقولك أيه ياقيس .... إنت مش ناوى تتجوز ليلى قبل ما تخرج من الضمان

    قيس:- وانت ترضهالى برضه يا أونكل؟

    الأب:- خسئت...هات ياد تربة الحشيش اللى خدتها

    قيس:- ( يعطيه الحشيش) إمسك ياعم إنت هتذل إمى بحتة الحشيش بتاعتك..
    لعلمك بقى الصنف اللى أنت فرحان بيه دا بيتباع فى الجمعيه مع اللحمه البرازيلى

    الأب:- (لقيس) إمشى ياد إطلع بره

    قيس:- تصبح على نقاله ياعمى

    الأب:- أغرب عن وجهى

      الوقت/التاريخ الآن هو الجمعة أكتوبر 20, 2017 12:49 am